De Sepp dä isch go impfe gange,
jetz gahd er wien es Reh duruif,
ai anders tieg jetz nimme hange,
da schtiengid aui Weyber druif.
Sie schtiengid Schlange vor seiym Bett,
wiu jedi zunem uife wett,
Er hed jetz mieh bim uiseläse,
er wiu doch nid en aute Bäse.
Nid was iehr dänkid, ier chleyne Seyli,
jetz miend iehr warte nu es Weyli,
bis s‘Morgenässe inechund,
nur das isch doch de wahri Grund.
Aus ander häig er scho lang vergässe,
er weu jetz midere zmorgenässe.
Das andere seyg ja ai schen gsey,
doch leider seyg das jetz verbey!